للاستمــــاع اضغط هنـــا
كلمات الأنشودة
يابوي أنا جيت لك والنفس ندمانه ::: وفي القلب نارِ تشب وتشعل أشعالي
ولدك تاه الطريق وكثرت احزانه::: وشرب المرارة وغيره يشرب الحالي
رح خل ينفعك من طاوعت شيطانه ::: صاحبك راع الوفا اللي ماله أمثالي
صديقك اللي يعدك ثالث أخوانه ::: وشلون خلالك وقت الضيق للصالي
يابوي عطفك رميت الروح بأحضانه ::: ونثرت دمعة سجين شاف الأهوالي
لا عاد تذكرلي الماضي وخلانه ::: راحوا وشفني وحيد جالس لحالي
غرتك دنياك والايام خــوانه ::: رضيت في الصحبة الحسنه بالأنذالي
وأغضبت ابوك وفضحته بين جيرانه ::: نزلت راسه وهو في مامضى عالي
أنت السبب في الخطا وانا ادفع أثمانه ::: أهملتني وانشغلت بجمع الأموالي
خليتني للهوى وإبليس وأعوانه ::: يلعب بي الجهل من جالِ ليا جالي
أنا أجمع المال واتعب حيل من شانه ::: قرش على قرش وريالٍ على ريالي
واشري لك اللي تبي من وسط دكانه ::: وتختار سيارتك لو سعرها غالي
يابوي أنا جيت والعينين غرقانه ::: تايب على الذنب وأرجي رحمة الوالي
السجن قطع فؤادي صمت جدرانه ::: وظلمى زواياه عنها موتي أشوى لي
تعال ياروح ابوك ونبض وجدانه ::: لاعاد تشكي وتبكي يابعد حالي
الذنب ذنبي وصار وشفت برهانه ::: وقررت أخلي الطمع وأهتم بعيالي
استغفر الواحد المعبود سبحانه ::: ومن رفقة السوء أحذر كل الأجيالي
وانا أوصي الاب من فضله واحسانه ::: لاتشغله عن عياله كثر الأعمالي
الرئيسية 
أحدث الصور 
التسجيل 
دخول 
السبت يوليو 05, 2008 7:26 pm
